Inspiresport

Proffil busnes

Lleoliad: Cardiff

Sector: addysg a hyfforddiant

Gwefan: www.inspiresport.com

Buddsoddiad

Swm: £505,000

Math: dyled ac ecwiti

Pam y gwnaethom fuddsoddi

Mae Inspiresport yn cynnig rhaglenni datblygu chwaraeon ar gyfer ysgolion a grwpiau ieuenctid mewn pêl-droed, rygbi, hoci, pêl-rwyd a lacrosse. Caiff y rhaglenni pwrpasol eu cyflwyno gan hyfforddwyr proffesiynol llawn-amser ac maent yn cynnwys teithio i, a llety mewn, cyrchfannau chwaraeon allweddol.

Mae gan Inspiresport gysylltiadau gyda phrif glybiau chwaraeon Ewrop, yn cynnwys clybiau pêl-droed Chelsea, Real Madrid ac AC Milan. Ef yw'r unig sefydliad o'i fath i gael ei gymeradwyo gan gyrff llywodraethu cenedlaethol ysgolion gwladol ac annibynnol. Ysgolion gwladol yw tua 80% o'r ysgolion sy’n cymryd rhan yn rhaglenni Inspiresport.

Roedd Cyllid Cymru yn flaenorol wedi buddsoddi £50,000 o gyfalaf cychwynnol a datblygu yn Inspiresport.

Y canlyniad

Mae'r buddsoddiad cyfalaf datblygu diweddaraf yn cefnogi twf Inspiresport wrth iddo ehangu i fod yn un o brif gwmnïau datblygu chwaraeon ieuenctid Ewrop.

Mae Inspiresport wedi dyblu ei dîm gwerthiant, wedi datblygu systemau technoleg gwybodaeth newydd ac wedi sicrhau cofrestriad ATOL. Fel canlyniad, mae'r cwmni wedi datblygu perthynas gyda mwy o glybiau chwaraeon blaenllaw ac mae mwy o ysgolion wedi ymuno yn ei raglenni datblygu.

Geirda

"Rydym wedi gweithio’n agos gyda Cyllid Cymru ers i ni sefydlu’r busnes ac mae’n gwneud synnwyr i barhau'r berthynas honno drwy gam nesaf ein twf." Tom Shorey, rheolwr gyfarwyddwr, Inspiresport.

"Ers ei ffurfio yn 2004, mae Inspiresport wedi dod yn arweinydd marchnad. Mae ei botensial am dwf yn ei wneud yn union y math o gwmni rydym yn falch i fuddsoddi ynddo." Dave Perez, swyddog gweithredol portffolio, Cyllid Cymru.