Safbwynt Rachel Miles ar gynllunio olyniaeth

 

02/07/10

 

Rachel Miles, portfolio team leader

Rydych yn berchennog/rheolwr busnes ac yn barod i ymddeol neu gamu lawr. Beth sy’n digwydd nesaf? Pam na ddylech fanteisio i’r eithaf ar oes o waith?

 

Mae olyniaeth yn gwestiwn y mae angen i bob busnes ei drin ar ryw adeg ac mae’r perchennog/rheolwyr busnes doethaf yn cynllunio ymhell ymlaen llaw.

 

Yn ôl arolwg diweddar gan Lywodraeth y Deyrnas Unedig, dim ond dau ym mhob tri o fusnesau yn y DU sydd â chynllun olyniaeth clir. Nid oes gan y gweddill strategaeth glir ar gyfer gadael, sy’n golygu y gall trosglwyddo rheolaeth i berchennog newydd fod yn anniben iawn.

 

Ar ei waethaf, gallech golli asedau, gallai eich busnes gau ac ni fyddwch yn manteisio o fywyd o waith.

 

Trosiant esmwyth

 

Mae Cyllid Cymru yn annog busnesau, yn cynnwys busnesau yr ydym wedi buddsoddi ynddynt eisoes, i gynllunio’n iawn ar gyfer olyniaeth. Mae’r cyllid a’r arbenigedd gennym i helpu rheolwyr neu aelodau staff i brynu busnes.

 

Felly, p’un ai ydych yn gwerthu i’ch tîm rheoli presennol neu’n ystyried gwerthiant masnach, medrwn ddefnyddio ein profiad i’ch helpu i lywio’n glir o’r maglau.

 

Prisio eich busnes

 

Mae’n bwysig bod yn realistig wrth brisio busnes.

 

Meddyliwch am ddangosyddion ariannol allweddol eich busnes a sut y gallech eu gwella i gael y prisiant gorau. Os ydych i sicrhau’r pris gorau, bydd angen i chi gyfathrebu eich busnes yn effeithiol i ddarpar brynwyr.

 

Cofiwch, mewn gwirionedd, nad yw busnes ond yn werth yr hyn y bydd prynwr yn fodlon ei dalu amdano.

 

Camau i olyniaeth

  • Meddwl am bethau o safbwynt darpar brynwr.
  • Creu cynllun olyniaeth ffurfiol – bydd angen i hyn fod yn gadarn, felly gweithiwch gyda’ch cynghorwyr i wneud yn sicr yr ystyriwyd popeth.
  • A oes prynwr amlwg ar gyfer eich busnes? A fyddai unrhyw un o’ch uwch reolwyr presennol yn debygol o brynu’r busnes?
  • Mae’n debygol y bydd unrhyw ddarpar brynwr angen y cyllid cywir - gall olyniaeth fod yn fusnes drud. Mae gan Cyllid Cymru gronfeydd ar gael ynghyd â’r arbenigedd i helpu strwythuro’r pecyn cyllid cywir.

Cysylltwch â fi

 

Os yw hyn yn swnio’n gyfarwydd, gall fod yn amser i gysylltu â fi. Rwy’n awyddus i helpu eich olyniaeth i fynd mor esmwyth ag sydd modd.